Super Damien 6de Verjaarsdag!

13 April '13

Daar is lank slapies afgetel vir die groot dag dat hy 2 hande nodig het om te sè hoe oud hy is, 'n Hele 6!

Vroeg opgestaan, koek gehad, kersies uitgeblaas, geskenke oopgemaak, en kon nie wag vir partytjie nie. Dankie almal vir die geskenke, hy het dit verskriklik waardeer, en hy was Mal oor die foon wat heeltyd gelui het, en almal wil met hom gesels.

Ek het vir hom rooi mantel laat maak vir Super Damien! En dit was vir hom die Beste ding ooit! haha

Dis nou huppel en juig van blydskap, haha, dis My Verjaarsdag!! woohooo!!!

 Jy gaan nie cooler kry nie, ek is jammer.. (en hy weet dit, haha)

 

Damien se Partytjie was by Bugz World anderkant Brackenfell. Verskriklike oulike plek. Die Hele plek is net vir kinders. So ouers kan rustig sit en ontspan en die kinders speel tot hulle omval. Daar was Vertoning en natuurlik is Damien op die verhoog en deel van die vertoning.. en hy kry toe nog 'swaard - balon' ook, so toe is die SuperDamien uitrusting heeltemal volledig, haha.

Daar is iets van alles, onder andere 4 springkastele, glybane, pophuise en en en.. die klomp het hulle flou gespeel, tot hulle in ry opgeèindig het voor tv. Doodstil en te moeg om 'n woord te sè.

Einde van die Partytjie en die kinders is flou.. Nou vir die 2de deel van die dag, Strand Toe!!

Almal in die kar en Strand hier kom ons!

Cupcakes, sweeties, popcorn, koeldrank , te lekker! Maar daar was omtrent nie tyd vir eet nie, want die water en die sand was vir hulle prioriteit nommer 1 !

Die kinders het die strand verskriklik geniet, en natuurlik geswem.. maar die 'groot kinders' het die hardste gespeel, haha.. hy het sandkasteel gebou met vreeslike erns.

Dit was heerlike dag en almal was Meer as stokflou na die dag!

Almal gaan aflaai, en natuurlik het SuperDamien sy dag afgesluit op ons strand.

Heerlike geseende dag gehad. Dankie Almal!